Tann altíð hugnaligi aðalfundurin hjá Føroya Fuglafrøðifelag verður í ár hildin leygardagin hin 15. mars kl 14:00 á Havstovuni, Nóatún 1.

Vit vóna at síggja nógvir limir, nýggir sum gamlir, og vænta, at dagurin verður áhugaverdur og hugnaligur.

Skráin sær soleiðis út:

Kl. 14.00: Aðalfundur

· Frágreiðing frá virki felagsins í farna ári.

· Framløga av roknskapi

· Val av nevndarlimum

· Val av grannskoðarum

· Ásetan av limagjaldi

· Ymiskt

Kl. 14.45: Kaffisteðgur

Kl. 15:00 Almennar framløgur: Verður kunngjørt seinni

Á aðalfundinum verður tann strategi og arbeiðsætlan, ið nevndin hevur lagt fyri árini 2025-2027 lagt upp til góðkenningar.

Mál til aðalfundin skulu vera nevndini í hendi í seinasta lagi 9. mars.