Árligi fuglatúrurin til Suðuroyar 11-13 okt

Áhugað/ur í at síggja spennandi flytifuglar í heyst?

Hvørt heyst er møguleiki fyri at síggja sjáldsamar fuglar í Føroyum – ikki minst í Suðuroy, hvar nógvir av teimum steðga á áðrenn leiðina suður um hav.

Tí skipar Fuglafrøðifelagið fyri túri til Suðuroyar vikuskiftið 11-13 okt. Øll fuglaáhugaði eru vælkomin!

Við á túrinum vera royndir fuglakennarar, ið hjálpa við at bæði finna og kenna fuglar í føroysku náttúruni.

Kostnaður fyri luttøku er 350kr fyri limir. Hetta er íroknað uppihald og mat. Gist verður í Vitapassarahúsinum á Akrabergi.

Eisini ber til at fylgjast við okkum eina løtu leygardagin uttan at yvirnátta og eta. Hetta er ókeypis.

Um tú ert áhugað/ur, send eini boð til info@fuglar.fo. Avmarkað pláss er.

Nærri praktisk kunning um túrin fæst við tilmelding.